Kitba ta' Ittra

13,Il-Warda,

Triq il-Ħarruba,

Iż-Żejtun,ŻTN 1234

10 ta' Marzu,2023

Għażiża zija Ġuża,

Kif inti? Kif inhuma z-ziju Joe u l-kuġini? Nispera li huma jinsabu tajbin. Il-familja tiegħi u jien ninsabu kollha qawwijin u sħaħ.

Zi, għandi sorpriża kbira għalik,imma mhux ħa ngħidlek x'inhi għalissa ħa nħallik fuq ix-xwiek. Ilbieraħ ġibt kelba ġdida u għamilt ħabib ġdid li jismu bħaz-ziju Joe. Għada ħa mmur ġo ristorant mal-familja.

Zija Ġuża, is-sorpriża hi li se niġu għandek l-Awstralja s-sajf li ġej! Se naslu hemm fit-tlieta ta' Lulju fl-għaxra ta' filgħodu. Se ndumu xahar u nofs hemm. Se nkunu jiena, il-ġenituri tiegħi u n-nanna. Int kuntenta li fl-aħħar se niġu narawk zi?

Hemmhekk se tkun ix-xitwa. Kif tkun ix-xitwa ta' hemm u x'tip ta' ħwejjeġ jaqblilna nġibu magħna? Trid li nġibulek xi ħaġa magħna minn Malta? Iz-ziju, jew il-kuġini, iridu xi ħaġa minn Malta?

Zi, ħa jkolli nieqaf nikteb għax għandi l-lezzjoni tal-Arti. Se jkolli seba' mitt sena sabiex nirċievi ittra mingħandek. Kulħadd sella għalikom u iġri jasal il-mument li niltaqgħu.

In-neputi tiegħek,

Mark.