Waħdi fuq gżira diżabitata
Jiena u ħbiebi konna fuq dgħajsa imma f’daqqa waħda infetħu
bwieb is-sema u ħakmitna tempesta qalila. Mewġ qawwi u għoli qalbilna d-dgħajsa u lili firidni minn ma’ sħabi.
Xħin qomt sibt ruħi fuq gżira diżabitata. Ma kontx naf fejn
qiegħed imma ndunajt li kont waħdi u ma kontx naf x’se naqbad nagħmel. Kienet
gżira pjuttost ċkejkna mhux ikbar minn xi raħal. Ridt nesplora dil-gżira. Kien
hemm siġar tal-palm u tal-kowkonat. Qabadni l-għatx allura qsamt il-kowkonat
min-nofs u tgħidx kemm ffriskani l-ħalib tagħha!
Issa żaqqi bdiet tgorr. Mort ħdejn il-baħar u għodost biex
forsi naqbad xi ħuta. B’xorti tajba ma qbadtx biss ħuta waħda imma saħansitra
tnejn! Qabbadt in-nar bili ħakkejt żewġ ġebliet żgħar ma’ xulxin flimkien ma’
ftit zkuk. Hekk stajt nixwi l-ħut. Kemm niżluli għasel dawk iż-żewġ ħutiet!
Beda riesaq il-lejl u bdejt inħoss kesħa xxoqq il-għadam u
biex tgħaxxaqha bdiet tqattar ukoll ix-xita. Ftit’il bogħod ilmaħt għar żgħir u
ġrejt b’kemm kelli saħħa biex nistkenn ġo fih. Għaddejt il-lejl rieqed ġol-għar
mgħotti bi ftit weraq tal-palm li kont sibt fil-viċin. Dak il-ħin bdejt
nimmissja ħafna lid-dar u lill-familja.
L-għada qomt minn sbieħ Alla b’qalbi maqtugħa li għad jiġi xi
ħadd isalvani. Fuq ix-xefaq rajt dgħajsa toqrob lejn il-gżira. Indunajt li
kienu sħabi akkumpanjati ma’ tim tas-salvataġġ.