Pasti tal-ġamm
1. Nhar is-Sibt għamilt riċetta tajba u bnina mal-mama'.
2. Ġibna l-ingredjenti u r-reċipjenti biex nagħmlu l-pasti bil-jam.
3. Ingredjenti kellna bżonn: butir, bajda kbira, ħalib, dqiq, melħ, zokkor, ġamm tal-frawli u 'baking powder'.
4. Biex għamilna l-pasti użajna: miżien, furketta, sikkina, kontenitur, passatur, mgħarfa, buqar tal-kejk, turtiera tal-pasti u magna biex inħalltu t-taħlita.
5. Xgħelna l-forn u dellikna t-turtiera bil-butir.
6. Ħallatna l-butir, il-ħalib u l-bajda ġo kontenitur.
7. Wara ħallatna d-dqiq, il-melħ, il-'baking powder' u z-zokkor.
8. Poġġejna ftit taħlita fit-turtiera, tfajna ftit ġamm u erġajna poġġejna aktar taħlita.
9. Sajjarna l-pasti fil-forn għal 25 minuta.
10. Ħriġna l-pasti u kif kesħu, l-familja kollha ħadet waħda ma' tazza te.