Fil-Kexxun ta' Ġina
Narratur: Fil-kexxun tal-iskrivanija ta' Ġina kien ħafna affarijiet. Fosthom kien hemm lapes u gomma.
Lapes: Bonġu Sinjura Gomma!
Gomma: Bonġu Sur Lapes!
Lapes: Kif inti llum?
Gomma: Mhux tajjeb wisq, m'hemm ħadd li jrid ikun il-ħabib tiegħi!
Lapes: Mhux ovvja! Daqskemm ilek ma tinħasel! Sirt sewda faħma!
Gomma: Skużani Sur Lapes, imm' int ma tantx int aħjar minni!
Lapes: Ehe? U jien x'għandi ħażin?
Gomma: Daqskemm qsart! Meta ġabitek hawn Ġina kont m'għola hawn, u issa qisek nanu!
Lapes: Minn daqshekk veru.
Gomma: Uuuu! Dik Ġina ma tiħux ħsiebna sew. Tgħidx kemm qed tużani bis-salvaġ. Dahri għadu qed juġgħani minn nhar il-Ġimgħa!
Lapes: Anke jien! Dejjem tgerrimli rasi, tgħidx x'iddamdam!
Gomma: Ġieli anke tħażżeż fuqi bil-pinna! Jien sirt l-ikreh gomma fl-iskola.
Lapes: Daqt taqsamni bil-forza kollha li tuża meta tikteb bija. Tgħidx kemm-il darba qasmitli saqajja.
Gomma: Ehe?! Ara istra! U jekk jinqasmu kif iġġibhom lura?
Lapes: Din agħar issa. Biex tkun tista' terġa' tużani ddaħħalni ġos-sinjura temprina u ddawwarni. Tgħidx kemm tweġġagħni!
Gomma: Aħħ!!
Lapes: Sinjura Gomma, ma nixtieqx inweġġgħek, int qed jaqagħlek ix-xagħar?