Cynnwys ein Gwefan

Dechreuon trwy edrych ar bob Beibl oedd wedi cael ei gyfieithu i'r Gymraeg, a'r dynion a gyfieithodd y Beiblau o 1588 hyd heddiw pan y gellir ddarllen y Beibl yn Gymraeg ar y we. Roedd yna llawer o wybodaeth roeddem wedi ffeindio ar y we. Yna gwnaethom tudalennau am hanes William Morgan, Griffith Jones a Mary Jones, o beth roedden ni wedi dysgu yn yr ysgol ac ar deithiau fuon ni arnynt. Cawsom lawr o wybodaeth am eu bywydau a lle oeddent yn byw.

Mae'r wefan yma yn dangos sut mae'r Beibl Cymraeg wedi tyfu a ffynnu ers cafodd ei gyfieithu i'r Gymraeg gan William Morgan nôl yn 1588.

Roedd William Morgan yn byw yng nghyfnod y Tuduriaid a theyrnas Elizabeth 1, a hi oedd yr un oedd eisiau'r Beibl gael ei gyfieithu er mwyn i'r Cymry ddeall y Beibl yn iaith ei hunain. Roedd Elizabeth 1 eisiau Cymru i fod yn wlad Brotestanaidd a dim dilyn y crefydd Gatholig felly meddyliodd Elizabeth 1, wrth roi'r Beibl i bobl Cymraeg byddent yn aros yn Brotestannaidd. Hyd nes yr amser yma roedd y Beibl wedi cael ei ddarllen yn y capeli yn Lladin gan ond ychydig iawn o bobl oedd yn medru darllen.

Mae rhaid diolch i Elizabeth 1 am ofyn i William Morgan i gyfieithu'r Beibl, heb law amdani hi efallai na fyddwn

ni'n siarad Cymraeg heddiw!

Mae Ysgol Penboyr yn ysgol Eglwys a fel rhan o'n gwersi rydyn wedi bod yn astudio William Morgan, Griffith Jones a Mary Jones. Pan glywsom am gystadleuaeth creu gwefan yr Urdd, meddylion ni ein bod yn gallu rhoi y wybodaeth rydyn ni wedi ei ddysgu am y tri person pwysig yma a'u cyfraniad tuag at lwyddiant y Beibl a'r iaith Gymraeg i mewn i wefan i blant eraill i ddarllen - gwefan gan blant i blant!

Elisabeth 1

William Morgan, Griffith Jones

a Mary Jones

Cliciwch ar gwrlyn y dudalen i droi i'r dudalen nesaf

William Morgan

Yn Nhachwedd 2014, roedden ni (blwyddyn 6) wedi mynd ar ymweliad i Dŷ Mawr, cartref William Morgan. Daeth Mrs Williams ein hathrawes dosbarth a Mrs Williams ein cynorthwywraig dosbarth gyda ni a Mrs Brice oedd yn gyrru'r bws mini. Cawsom amser gwych ac roedd ein arweiniwr, Gerwyn, yn wych!

Fe wnaethom deithio yn syth i Tŷ Mawr, ond stopion yn

Dolgellau am egwyl bychan. Pan gyrhaeddon ni, cawsom

ginio ac yna ein tywys o gwmpas cartref William Morgan

gan Gerwyn. Ymddiriedolaeth Genedlaethol yw Tŷ Mawr

heddiw, ond hyd nes 1988, roedd bobl yn byw ynddo.

Roedd gennym gymaint o luniau o'r daith gwnaethom e-lyfr

ar ein gwefan i ddangos beth a ddysgon. Yna teithion ni i Bala i

ymweld a Chanolfan Byd Mary Jones ag agorodd y llynedd. Ni oedd yr ysgol gyntaf i ymweld a Byd Mary Jones ac maent wedi defnyddio ein lluniau ar wefan Byd Mary Jones! Fe dysgon bob peth am Mary Jones trwy ddefnyddio'r arddangosfeydd rhyngweithiol a chwisiau.

Yn Chwefror 2015, cafodd blwyddyn 5 y cyfle i ymweld

a Chanolfan Mary Jones yn Bala. Y tro yma aeth Mrs

James, Mrs Williams a Mrs Brice. Ar ein ffordd i'r Bala

galwon ym Mryn Crug i weld y bwthyn ble roedd Mary

Jones yn byw a hefyd Capel Bethlehem lle mae wedi cael

ei chladdu. Teithiom i Lanfihangel-y-Pennant i Ty'n y Ddol i

weld ble roedd hi'n byw pan oedd yn blentyn. Buom yn

canu yn eglwys Sant Michael lle chafodd ei bedyddio. Yna aethom i Bala trwy

Tal-y-Llyn a Brithdir. Dyma'r llwybr y byddai Mary Jones wedi cymryd pan gerddodd i'r Bala. Yng Nghanolfan Mary Jones, Nerys, y rheolwraig edrychodd ar ein hôl ni. Roedden ni wedi mwynhau defnyddio'r arddangosfeydd rhyngweithiol a chael ein cwestiynau'n iawn yn y cwis!

Buon hefyd yn ymweld â chapel Thomas Charles, Capel Tegid y Bala. Blwyddyn diwethaf, pan oeddwn ym mlwyddyn 5, buom yn astudio Griffith Jones ac wedi gwneud llawer o deithiau i ymchwilio ei hanes. Rydym wedi cynnwys ein teithiau ar y wefan hon. Gyda'r arian a godwyd yn ein Gwasanaeth Diolchgarwch llwyddom i sefydlu Ysgol Sul yn Ysgol Penboyr.

Yn olaf, rydym wedi rhoi beth rydym ni ei ddysgu yn Ysgol Penboyr i gadw'r Beibl Gymraeg a'r iaith yn fyw. Rydym yn dilyn y calendr Cristnogol, ac fel ysgol, rydym yn dathlu amseroedd hyn drwy gael gwasanaethau a chyngherddau drwy'r flwyddyn. Rydym yn gobeithio y byddwch yn mwynhau darllen ein gwefan.

Mae gennym lawer o bobl i ddiolch am ein helpu. Hoffen ddiolch i Gerwyn yn Nhŷ Mawr, am fod y person mwyaf diddorol yr ydym erioed fel tywysydd, Canolfan Mary Jones yn y Bala am yr holl wybodaeth a oedd ganddynt ynglŷn â Mary Jones, ac hefyd i Gymdeithas y Beiblau am ddod a'i harddangosfa o Feiblau i Ysgol Penboyr.